SATANAE

SATANAE

tradendi ritus memoratus 1. Cor. c. 5. v. 3. ubi de probroso homine, non de ordinaria disciplina, sed de maiori quadam ac peculiari Postoli potestate, accipitur nonnullis, ex v. 2. coll. cum 1. Timoth. c. 1. v. 20. et exponitur corporea aliqua poena et vexatio, quâ peccator ille castigatus et domitus, frenum tandem accipere et Domino parere disceret, ex v. 5. Vide Franc. Burmannum Syn. Theol. Christ. Part. 2. ubi de Discipl. Eccl. Communiter vero, Satanae tradere hac in materia, idem censetur cum verbo ἀναθεματιζειν, h. e. excommunicare, vide supra; et plura hanc in rem apud Ambrosium ad d. l. Theodoretum ibid. ubi iuste excommunicatos Satanam invadere docet, Alios: inprimis Io. Forbesium Instructionum Historico-Theologic. l. 12. c. 3. ubi de Anathematis seu Excommunicationis speciebus ac gradibus, et Io. Casp. Suicerum Thes. Ecc. in voce hac.